Қайсар қыздар!

Қызылжар орта мектебінде оқушылардың салауатты өмір салтын ұстануы мақсатында 2014 жылдан мектеп ашылуынан бастап, Каратэ, джиу-джитсу, хореография үйірмелері қарқынды жүргізіліп келеді. Оқушылар бұл үйірмелерге белсене қатысады. Қатысып қана қоймай, биік шыңдарды бағындырып жүр. Оған мысал: 2017 жылдың 16-19 ақпан аралығында Алматы қаласында өткізілген Джиу-Джитсудан Қазақстан Республикасының

кубогында Неваза және Файтинг систем бөлімдері бойынша мектебіміздің 8 сынып оқушылары жүлделі орындарға ие болды. 44 келі салмақ дәрежесінде Асылбекова Аңсара   Неваза-систем бөлімі бойынша 3 орын, ал Файтинг-систем бөлімі бойынша 1 орын алды. Жекен Дауыл 40 келі салмақ дәрежесінде Неваза-систем бөлімі бойынша жүлделі 1 орынға ие болды. Шәкірттерінің биік жетістіктерге жеткендігіне оқушылардың бапкерлерінің еңбегі зор екені айтпаса да түсінікті. Сондықтан бапкер Жангужин Мухит Сартаевичке алғысымызды білдіреміз.

Қазақ халқы – жауынгер халық. Ерлері ғана емес, талай батыр қыздарының болғанына тарих куә. Мектебіміздің қайсар қыздарына алдағы уақыттарда осындай батырлық көрсете беруін тілейміз. Жеңіс құтты болсын!

Мектеп мұғалімі: Мадинаш Айсұлу