Целиноград ауданының білім бөлімінде  2016 жылдың 8-9 желтоқсанында оқушылар арасында аудандық олимпиада  өткізілді. Бұл іс шараны өткізудің мақсаты - ғылыми білімді насихаттау, өз білімін жетілдіруге оқушыларды қызықтыру, дарынды балалардың дамуына жағдай жасау, оқушыларды облыстық және республикалық олимпиадаларға қатыстыруға даярлау мен іріктеу.

Олимпиада Қараөткелдің №2 орта мектебінде 2 турдан 13 пән бойынша жүргізілді. Олимпиаданың салтанатты ашылуы кезінде қонақтарды жылы сөзбен қарсы алып, өзінің балаларға деген тілегін білдіріп, білім бөлімінің әдіскерлері сөз сөйледі.Осы аудандық олимпиадаға Қызылжар орта мектебінен 9 оқушы қатысты. Аудандық олимпиада қорытындысы бойынша біздің мектебімізден    қатынасқан  9 оқушының  2-еуі  жүлделі 3 - орындарға ие болып, жеңімпаз атанды.Олар: Жұмабай Дариға 9-сынып(мұғалімі Шынбаев Е.С.), Көппай Танат 11-сынып

(мұғалімі Искаков Б.М.), Жеңімпаздар білім бөлімінің грамоталарымен марапатталды. Сонымен қатар осы оқушыларды дайындаған пән мұғалімдеріне де үлкен алғысымызды білдіріп,рахметімізді  айтамыз.

 Мадинаш Айсұлу

Қазақ тілі мұғалімі